طفل يفهم. يفكّر. يعبّر.
ويعرف يعمل بعلمه حاجة حقيقية.

ليه بدأت تعلّم؟

بدأت تعلّم من حاجة بسيطة جدًا: أنا بحب الأطفال، وكنت دايمًا عايزة أهتم بكل طفل كأنه تحت عيني. مش بس أعرف هو اتعلّم إيه أو جاب كام، لكن أساعده يفهم نفسه؛ يعرف مشاعره، يكتشف مهاراته، ويسأل ويفكر ويبقى أوعى بالعالم اللي حواليه.

المستقبل بقى قريب منهم جدًا وبيتغير بسرعة، وده بيخليني أفكر دايمًا: إيه اللي ممكن نديه للطفل النهارده يساعده بكرة؟ حلمي إن تعلّم تكبر وتساعد كل طفل يبقى يومًا ما شخصًا كبيرًا أفضل؛ فاهم نفسه أكتر، واعي بمشاعره، عارف قدراته، وعنده المهارات اللي تساعده يشق طريقه بنفسه.

ولو قدرنا نسيب أثرًا، حتى لو صغيرًا، في الجيل ده… يبقى تعلّم عملت الحاجة اللي اتعملت عشانها.
— إيمان، مؤسسة تعلّم